Search This Blog

ഒട്ടകത്തിന്റെ മാസക്കാല കോഴ്സ്

ഇത് മാസക്കാലക്കോഴ്സുകളുടെ പെരുമഴക്കാലം.എവിടെ തിരിഞ്ഞ് നോക്കിയാലും അവിടെല്ലാം മാസക്കാലക്കോഴ്സുകളുടെ വർണ്ണഫലകങ്ങൾ മാത്രം.3 മാസം കൊണ്ട് ഇംഗ്ലീഷ് സംസാരിക്കാം,1 മാസം കൊണ്ട് മൊബൈൽ റിപ്പയറിങ്ങ്,വെറും ഏഴു ദിവസം കൊണ്ട് മൂലക്കുരു സുഖപ്പെടുത്താം ഇങ്ങനെ ഇങ്ങനെ നീളുന്ന വാഗ്ദാനങ്ങൾക്ക് കയ്യും കണക്കുമില്ല.ഇതെല്ലാം കാണുമ്പോൾ ഒരു അറേബ്യൻ നാടോടി കഥ ഓർമ്മവരും.സരസമായ ആ കഥ നിങ്ങളുമായി പങ്ക് വെക്കുന്നു.



ഒരിക്കൽ ഒരു ഭരണാധികാരി തന്റെ പ്രിയപ്പെട്ട ഒട്ടകത്തെ അറബി വ്യാകരണം പഠിപ്പിക്കാൻ അതിയായി ആഗ്രഹിച്ചു.ചുറ്റുവട്ടത്തുള്ള ഒരു അറബിവിദ്വാനെ ഇതിനായി കണ്ടെത്താനും കല്പനയിറക്കി.ഹാജറാക്കപ്പെട്ട ഭാഷപണ്ഡിതനോട് രാജാവ് കല്പിച്ചു:"വെറും മൂന്നുമാസം കൊണ്ട് എന്റെ ഒട്ടകത്തിനു അറബി ഭാഷയും വ്യാകരണവും നന്നായി പഠിപ്പിക്കണം.വാഗ്ദാനം നിറവേറ്റിയാൽ നിനക്ക് അളവറ്റ സമ്മാനം.അല്ലെങ്കിൽ കഴുത്ത് ഞാൻ വെട്ടും".പണ്ഡിതൻ പറഞ്ഞു:"നടക്കാത്ത കാര്യമാണത്".അയാളുടെ കഴുത്ത് വെട്ടി.രണ്ടാമതൊരുത്തൻ വന്നുവെങ്കിലും ഇത് തന്നെ സംഭവിച്ചു.മൂന്നമത് വന്നവനു മുൻപുള്ള രണ്ട് പേരുടെ ഗതി മനസ്സിലായി.അയാൾ പറഞ്ഞു:" സംഗതി നടപ്പുള്ളതാണ്,പക്ഷെ ഞാൻ ആവശ്യപ്പെടുന്നതെന്ത് സൗകര്യവും ചെയ്ത് തരണം".രജാവ് സമ്മതിച്ചു.ഒട്ടകത്തിനെയും പണ്ഡിതനേയും സകല സൗകര്യങ്ങളോടും താമസിപ്പിച്ചു.പണ്ഡിതന്റെ സ്നേഹിതന്മാർ ചോദിച്ചു:" എങ്ങനെ ഒട്ടകത്തെ അറബി പഠിപ്പിക്കും?".അയാൾ ചിരിച്ചുകൊണ്ട് നിസ്സാരമട്ടിൽ പ്രതികരിച്ചു:" ഈ മൂന്ന് മാസം സുഖമായി ജീവിക്കാം.ഈ കാലയളവിൽ ഒന്നിരിക്കൽ രാജാവ് തട്ടിപ്പോകും.അല്ലെങ്കിൽ ഈ ഒട്ടകത്തിനെ ഞാൻ തട്ടും".

4 comments:

  1. എന്താ സുബൈര്‍ ചിരിച്ചതോ കരഞ്ഞതോ ?

    ReplyDelete
  2. സംഗതിശരിയാണു...
    ഇനിയും പോന്നോട്ടേ..

    ReplyDelete